"Parlament razılıq versə, ölüm hökmünü təsdiq edəcəm"

Ölkə.Az xəbər verir ki,Türkiyə prezidenti Rəcəb Tayyib Ərdoğan yenidən ölüm cəzası ilə bağlı fikirlərini dilə gətirib.

Ölkə başçısı Qaziantep şəhərində terror əleyhinə keçirilən mitinqə qatılıb və çıxışı zamanı bildirib ki, xalqın edam hökmü ilə bağlı tələbini bir daha parlamentə çatdıracaq.

"Əgər parlament bu məsələyə razılıq verərsə, mən bu qanun layihəsini təsdiq edəcəm",- deyə Ərdoğan bildirib.

Qeyd edək ki, Türkiyə prezidenti 15 iyul dövlət çevrilişi cəhdindən sonra vətən xainlərinə qarşı ölüm hökmü tətbiq edilməsi ideyasına müsbət cavab vermişdi.

Bəzi mütəxəssislərin fikrinə görə, Türkiyədə ölüm hökmü qüvvəyə minmiş olsa belə bu qanun dövlət çevrilişi etmiş şəxslərə şamil edilə bilməyəcək. Çünki onlar cinayəti bu qanun təsdiq edilməzdən öncə törətmişdilər.

İlhamə
Ölkə.Az