Rus milyarder Donald Trampın evini sökdü

Rusiyalı milyarder Dmitri Rıbalovyev Respublikaçılar partiyasından ABŞ prezidentliyinə namizəd Donald Trampdan satın aldığı malikanəni söküb.

Ölkə.Az Rusiya KİV-lərinə istinadən xəbər verir ki, malikanə 2,4 hektar sahəni əhatə edir. Onun ərazisində hovuz, tenni kortu və yardımçı tikililər olub. Ümumilikdə, bu mülkü almaq rus milyarderə 95 milyard dollara başa gəlmişdi. Donald Tramp özü bu mülkü 2004-cü ildə 41 milyon dollara almış, 4 il sonra ikiqat baha qiymətə rusiyalı işa adamına satmışdı.

Rıbalovlev Florida ştatında "Palm Beachdə" yerləşən bu ərazinin çox dəyərli olduğunu bildiyini və onu 3 yerə bölərək hissə-hissə satacağını qeyd edib.

Qeyd edək ki, Rusiyanın "Gübrə kralı" adlandırılan Dmitri Rıbalovyev "Monako" futbol klubunun da sahibidir.

İlhamə
Ölkə.Az