İslam Kərimovun qızı atasının insult keçirdiyini təsdiq etdi

Ölkə.Az Rusiya mediasına istinadən xəbər verir ki, Özbəkistan prezidentinin beyninə qan sızıb.

Bu barədə onun kiçik qızı Lola Kərimova-Tillayeva öz "Facebook" səhifəsində məlumat verib.

"Atam şənbə günü insult dianoqzu ilə xəstəxanaya yerləşdirilib, hazırda reanimasiyadadır. Vəziyyəti stabil ağırdır. Hələlik onun səhhəti ilə bağlı hansısa proqnoz vermək mümkün deyil",- deyə prezidentin qızı bildirib.

"İnsanlardan xahiş edirəm vəziyyətdən istifadə edərk spekulyasiyalara yol verməsinlər, ailənin haqlarına və şəxsi həyatımıza hörmət etsinlər. Duaları ilə atama dəstək olan hər kəsə təşəkkür edirəm", -deyə Lola Kərimova yazıb.

Xəbər verildiyi kimi, Özbəkistan prezidenti şənbə günü vəziyyəti ağırlaşdına görə xəstəxanaya yerləşmişdi. Bu barədə məlumatlar rəsmi şəkildə təsdiq edilmirdi.

"Azad Özbəkistan" müaxlifət partiyasının sədrinin bildirdiyinə görə, prezident şənbə günü Olimpiya Oyunları qaliblərinin şərəfinə verilən ziyafətdə spirtli içkilərdən həddən çox istifadə edib və halı pisləşib.

İslam Kərimov 1938-ci ildə anadan olub. O, 1990-cı ildən ölkəyə rəhbərlik edir.

İlhamə
Ölkə.Az