ABŞ-dan Türkiyənin Cerablus əməliyyatına

Ölkə.Az Türkiyə mediasına istinadən xəbər verir ki, Pentaqon Cerablusun cənubunda aparılan əməliyyatların "qəbuledilməz" olduğunu bəyan edib.

ABŞ Müdafiə Nazirliyi Türkiyənin Suriyanın şimalında həyata keçirdiyi "Fərat qalxanı" əməliyyatına dair sərt açıqlama verib.

Pentaqonun sözçüsü Peter Kuk "New York Times" qəzetinə məktub göndərərək prezident Barak Obamanın da eyni fikirdə olduğunu bilidirib.

"Cerablus İŞİD-dən təmizləndikən sonra Türkiyədən dəstək alan Azad Suriya Ordusu ilə YPG-PYD arasında baş verən toqquşmalar yol verilməzdir. ABŞ bu prosesləri yaxından izləyir və bunun qəbul edilməz olduğunu bildiririk",- deyə Pentaqon sözçüsü bildirib.

Maraqldır ki, Cerablus əməliyyatları başlayarkən ABŞ rəsmiləri hərbi hava qüvvələrinin Türkiyə ordusuna dəstək verdiyini bildirmişdilər. Belə kəskin dönüşün nə ilə əlaqədar olması hələ ki, qaranlıq qalır.

"Hazırda bölgədə vəziyyət çox gərgindir. Buna görə də tərəfləri müharibəni dayandırmağa və münaqişəyə son vermək üçün zəruri tədbirlər görməyə çağırırıq", deyə Pentaqon rəsmisi əlavə edib.

İlhamə
Ölkə.Az