ABŞ-dan Türkiyə haqda sərt açıqlama

Pentaqon rəsmisi: "Çerablusun cənubundakı qarşıdurmaları qəbul edə bilmərik"

Türkiyənin Suriyanın şimalında həyata keçirdiyi hərbi əməliyyatlarla bağlı ABŞ Müdafiə Nazirliyindən sərt açıqlama verilib.

Ölkə.Az xəbər verir ki, Çerablusun İŞİD terror qruplaşmasından təmizlənməsindən sonra, regionda Türkiyənin dəstək verdiyi ÖSO ilə kürdlərə aid YPG-PYD qruplaşması arasında baş verən qarşıdurmaların ABŞ tərəfindən qəbuledilməz olduğunun vurğulandığı açıqlamada, həmçinin tərəflərə silahlı atışmanın dərhal dayandırılması çağırışı edilib.

ABŞ Müdafiə Nazirliyinin əməkdaşı Piter Kukun (Piter Cook) "New York Times" qəzetinə göndərdiyi həmin mətnin eynisi ABŞ Prezidenti Barak Obamanın Suriya üzrə xüsusi nümayəndəsi Brit Makqurk (Breet Mcgurk) tərəfindən də "Twitter" sosial şəbəkəsində paylaşılıb və hadisələri yaxından təqib etdiklərini bildirib:

"Regionun hazırda böyük bir savaş meydanı olduğunu da ifadə etdiyi açıqlamasında, "Bu səbəblə silahlı bütün tərəfləri dərhal münaqişələri dayandırmağa və son qoymaq üçün lazım olan tədbirləri görməyə çağırırıq", - deyə Kuk qeyd edib.