Prezidenti öldürmək istəyən şəxs yaxalandı
Ölkə.Az Rusiya mediasına istinadən xəbər verti ki, ABŞ-da Barak Obamanı öldürməyi planlaşdıran cinayətkar həbs edilib.
O, 40 yaşlı Massaçusets sakini Cozef Qarqyulodur.
Qarqyulonun Massaçusets ştatının Martas Vinyard adasında dincələn ABŞ prezidentini öldürməyi planlaşdırdığı bildirib.
Qarqyulo Obamanı öldürmək arzusunu sosial şəbəkədəki səhifəsində özü elan edib.
O, həmçinin bütün müsəlmanlardan və ABŞ hüquq mühafizə orqanlarından intiqam alacağını bəyan edib.
Federal Təhqiqatlar Bürosu iyul ayından onu nəzarətə götürüb.
Cinayətkarın evində aparılan axtarış zamanı qanunsuz saxlanılan çoxlu sayda soyuq və odlu silah, partladıcı qurğular və patronlar aşkar edilib.
Onun müntəzəm olaraq steroid tipli pereparatlar qəbul etdiyi, depressiya vəziyyətində olduğu bildirilir.
ABŞ prezidentini ölürmək istəməsinə səbəb isə tezliklə Amerikada müharibə başlayacağını düşünməsi olub.
İlhamə
Ölkə.Az
