Kim Çen In iki naziri güllələtdirdi

KXDR lideri iki naziri güllələtdirib

Ölkə.Az "İtarTass" agentliyinə istinadən xəbər verir ki, Koreya Xalq Demokratik Respublikasında ölkə lideri Kim Çen Inın göstərişi ilə iki yüksək vəzifəli məmur edam edilib.

Bu barədə Cənubi Koreyanın "Çunan İlbo" qəzeti məlumat yayaıb.

Bildirilir ki, keçmiş kənd təsərrüfatı naziri Hvan Min və təhsil naziriliyində yüksək vəzifə tutan Ri Yon Çjin hər kəsin gözü önündə zenit qurğularından atəş açılaraq edam ediliblər.

"Edam Kim Çen Inın əmri ilə Pxenyan Hərbi Akademiyasının həyətində gerçəkləşdirilib. Hvan Minin ölümünə səbəb onun səsləndirdiyi siyasi təkliflər olub. Kim Çen In bu təklifləri öznə qarşı çağırış kimi qəbul edib. İkinci məmur isə Kim Çen Inın çıxışı zamanı mürgülədiyinə görə cəzalandırılıb. Təhsil Nazirliyinin əməkdaşı iclasda dərhal həbs edilib və sorğuya çəkilib. Ona qarşı korrpusiya ittihamları irəli sürülüb",- deyə qəzet yazır.

Kim Çen In bu günə qədər partiya sıralarından və hərbiçilər arasından bir neçə yüksək vəzifəli məmuru edam etmişdi. Son edamlar yksək vəzifəli məmurların ölkədən qaçmaq cəhdlərindən sonra həyata keçirilən "təmizləmə" əməliyyatlarının geniş miqyasından xəbər verir.

Qeyd edək ki, bir müddət öncə Şimali Koreyanın Rusiyadakı səfiri Şimali Koreyaya qaçaraq siyasi sığınacaq istəmişdi.

İlhamə
Ölkə.Az