ABŞ-da Vladimir Putinin adaşını həbs etdilər
ABŞ mətbuatı Florida ştatının Uest-Palm- Biç şəhərində supermarketdə Vladimir Putininin həbs edilməsi barədə məlumat yayıb.
Rusiya prezidentinin qaradərili adaşı dükana daxil olaraq satıcıların üstünə qışqırmağa başlayıb.
Supermarketin işçiləri hadisə yerinə polis əməkdaşlarını çağırıblar. V.Putin hüquq-mühafizə orqanlarının əməkdaşlarına müqavimət göstərib, lakin polislər onu sakitləşdirməyi bacarıblar.
Qanun pozucusu sentyabrın 5-də məhkəmə qarşısına çıxarılacaq.
Telekanal qeyd edir ki, saxlanılan şəxsin Rusiya lideri ilə heç bir əlaqəsi yoxdur. (oxu.az)