İşdən azad edilmiş FETÖ-çülərin yerinə 50 min nəfər işə götürüləcək

Ölkə.Az Türkiyə mediasına istinadən xəbər verir ki, hərbi çevriliş cəhdindən sonra ifşa edilərək işdən qovulmuş FETÖ-çülərin yerinə 50 min nəfər işə alınacaq.

Polis, hakim, müstəntiq, həkim, müəllim,pilot və digər ixtisaslar üzrə minlərlə insan işlə təmin ediləcək. FETÖ-şülərdən təmizləmə əməliyyatı çəçivəsində, Ədliyyə, Təhsil, Ədalət nazirlikləri və Türk Silahlı Qüvvələri sıralarından 90 min dövlət məmuru vəzifəsindən uzaqlaşdırılıb. Bu günə qədər onların yerinə işçi alınmamışdı. İlk mərhələdə 50 min nəfərin işə alınacağı elan edilib.

Türkiyə Təhsil Nazirliyində azad edilmiş 27 min nəfərin yerinə 15 min müəllim ilk mərhələdə işə alınacaq. İşlə təmin olunmaq istəyən müəllimlərdən ərizələr sentyabrın 5-nə qədər qəbul ediləcək.

Ədalət Nazirliyində işdən azad edilmiş 4 min nəfərin yerinə 2371 min nəfər, Səhiyyə Nazirliyində 8 min azad edilmiş həkimin yerinə 20 min personalın işə alınacağını bu prosedurun dekabr ayına qədər davam edəcəyini bildirib. Türkiyə Hərbi Hava Qüvvələrinə, Mülki Aviasiya İdarəsinə, Müdafiə Nazirliyinə də yeni əməkdaşların cəlb edilməsi planlaşdırılıb.

Hələlik FETÖ ilə əlaqədar araşdırmalar davam etdiyi üçün digər nazirliklərin işə qəbulla bağlı elanları verilməsə də, il sonuna qədər bunun baş verəcəyi gözlənilir.

İlhamə
Ölkə.Az