Frankfurt hava limanının sərnişinləri təxliyə edildi

Ölkə.Az Türkiyə KİV-lərin istnadən xəbər verir ki, Almaniyanın Frankfurt hava limanında sərnişinlər təhlükəsizlik tədbiri alınaraq təxliyə ediliblər.

Hava limanında sərnişinlərdən birinin naməlum kişinin yoxlanılmadan təhlükəsizlik zonasına daxil olması və yoxa çıxmasından sonra həyəcan siqnalı verilib. Polis hava limanının bir saylı terminalını təxliyə edib.

Hava limanı ərazisində təhlükəsizliyi təmin edən federal polis əməkdaşları hava limanının "Twitter" səhifəsində naməlum şəxsin təhlükəsiz zonaya daxil oması barədə xəbər paylaşıblar. Onun qəsdən və ya bilməyərək təhlükəsiz zonaya daxil olması da naməluum olaraq qalır.

Hava limanında sərnişinlərə partlayış təhlükəsiznin olmadığı, təhlükəsizliyin təmin edilməsi məqsədi ilə bütün sərnişinlərin yenidən yoxlanılacağı bildirilib.

Naməlum şəxs hələ də tapılmayıb. Terminal ərazisində heç bir şübhəli paketə və ya bombaya də rast gəlinməyib.

İlhamə
Ölkə.Az