Qazaxıstanda 21 terrorçu saxlanıldı

Ölkə.Az "Anadolu" agentliyinə istinadən xəbər verir ki, Qazaxıstanda keçirilən antiterror əməliyyatı nəticəsində 3 ayrı radikal qruplaşmanın üzvləri olan 21 terrorçu saxlanılıb.

Onların Qərbi Qazaxıstan və Aktyubinski vilayətlərində terror aktı planlaşdırdığı məlum olub.

Saxlanılan şəxslərdən çoxlu sayda silah, əldəqayırma bomba, səs yazmalar və saxta pullar müsadirə edilib.

Aparılan istintaq zamanı radikal qruplaşmaların təhlükəsizlik qüvvələrinə qarşı və əhalinin sıx yerləşiyi ərazilərdə terror aktları planlaşdırdıqları ortaya çıxıb.

Ötən həftə Almatı şəhərində terror aktı planlaşdırmaqda şübhəli bilinən daha 4 nəfər axlanılıb. Onların arasında Qırğızıstan vətəndaşlarının da olduğu qeyd edilir.

İlhamə
Ölkə.Az