Ramil Usubov: "FETÖ-nün təmizlənməsi məqsədi ilə buradayam"

Ölkə.Az Haberler.com saytına istinadən xəbər verir ki, Türkiyədə rəsmi səfərdə olan Azərbaycanın daxili işlər naziri Ramil Usubovun səfəri yerli media tərəfindən ətralı işıqlandırılıb.

Ramil Usubov türkiyəli həmkarı Əfqan Ala və digər güc strukturlarının rəhbərləi ilə görüşlər keçirib. Görüşlərədən sonra media nümayəndələrinə açıqlama verən Ramil Usubov onalra "FETÖ-nün təmizlənməsi məqsədi ilə burdayam" deyib.

O,15 iyul tarixindən sonra Azərbaycanda bir sıra nüfuzlu media orqanlarının, məktəblərin və digər qurumların Türkiyədə çevriliş etmək istəyən dağıdıcı qüvvələrə dəstək verdiyinə görə bağlandığını vurğulayaraq, FETÖ-nün Azərbaycanda təşkilatlanmasına qarşı bundan sonra da lazımi addımlar atılacağını qeyd edib.

Ramil Usubov 15 iyul çevriliş cəhdini Türkiyə ilə bərabər Azərbaycana qarşı da yönəlmiş bir hərəkət kimi qiymətləndirib.O, Azəbaycanın hər zaman Türkiyənin yanında olduğunu və qardaş ölkəyə əlindən gələn dəstəyi verməyə hazır olduğunu bir daha ifadə edib. 15 iyul gecəsi şəhid olanlara rəhmət diləyən azərbaycanlı nazir iki qardaş ölkənin münasibətlərinin əbədi olacağını söyləyib.

Türkiyənin daxili işlər naziri Əfqan Ala isə çevriliş cəhdindən dərhal sonra Azərbaycan prezidenti İlham Əliyevin önəmli açıqlamalar verdiyini və türk xalqının gözlədiyi kimi bir mövqe nümayiş etdirdiyini söyləyib.

İlhamə
Ölkə.Az