İŞİD-lə qızğın döyüşlər gedir

Türkiyə-Suriya sərhədində yerləşən Kobani şəhərində İŞİD-lə silahlı kürd qüvvələri arasında bu günə qədər ən böyüş döyüşlər oldu.

Bu gün axşam saatlarında iki qrup arasında döyüşlər daha da şiddətlənib. Kobanidə kürd qüvvələrinə məxsus silah anbarında partlayış olub. Daha sonra isə güclü partlayış səsi eşidilib.

Partlayış zamanı havaya böyük duman qalxıb. Bir neçə dəqiqə sonra silah anbarının 50 metr yaxınlığında daha bir güclü partlayış törədilib.

Kürd qüvvələrinə məxsus silah anbarlarının yerləşdiyi yerə İŞİD döyüşçlərinin üzərilərinə bomba bağlayaraq hücum etdikləri bildirilir. Partlayış və döyüşlər zamanı kürd döyüşçülərin xeyli itki verdiyi bildirilir.

Qızğın döyüşlər hələ də davam edir. (anspress)

Ölkə.Az