İŞİD region üzərində nəzarətini itirir

Ölkə.Az-ın "Anadolu" agentliyinə istinadən verdiyi xəbərə görə, iki il öncə İraq və Suriyanın işğal edilmiş ərazilərində "İslam Dövləti" yaratdığını elan edən İŞİD terror təşkilatı bu gün regiondakı mövqeyini qoruyub axlamağa çalışır. Təşkilat şərqdə itirdiyi mövqelərini qərb dövlətlərində törətdiyi terror aktları ilə kompensasiya etməyə çalışır.

"New York Timesın" statistikasına görə, İŞİD yarandığı gündən İraq və Suriyada 126 hərbi obyekt və yaşayış məntəqəsini işğal edib, lakin sonradan onlardan 56-nı tərk etməyə məcbur olub.

İraqın xarici işlər naziri Heydər əl-İbadi bu yaxınlarda bəyan edib ki, 2016-cı ilin birinci yarısında İŞİD işğal etdiyi ərzilərin 12 faizi üzərində nəzarəti itirib, təkcə bu il 16 məntəqəni İŞİD-dən azad etmək mümkün olub. İŞİD-in son itkiləri Cerablus cə Siirtdə verildi.

Bəzi ekspertlər baş verən hadisələr fonunda 2016-2017-ci illəri "İŞİD üçün sonun başlanması" kimi qiymətləndirirlər. Eyni zamanda bir çox beynəlxalq müşahidəçilər terrorçuların böyük şəhərlərdən çıxarıldıqdan sonra yeni regionları işğal edə biləcəklərini proqnozlaşdırırlar.

İlhamə
Ölkə.Az