Evdən 15 min manatlıq qızıl oğurlandı

Şəmkirdə Təzəkənd kənd sakini Taleh Yusibova məxsus mənzildən 15 min manat dəyərində qızıl və 700 manata yaxın nağd pul oğurlanıb.

Ölkə.Az-ın Region TV-yə istinadən məlumatına görə, axşam saatlarında evdə heç kimin olmamasından yararlanan çağırılmamış qonaqlar həyətdəki pəncərədən içəri daxil olublar.

Zərərçəkən Ramiz Yusibov bildirir ki, axşam saat 21 radələrində evə qayıdıblar. Əvvəlcə həyətdə toyuq-cücələrin pərən-pərən düşdüyünü görüblər. Bu səbəbdən də əvvəlcə həyətdə toyuq-cücəni öz yerinə salıblar. Elə biliblər ki, həyətə it daxil olub. Sonra baxıblar ki, heç nə yoxdur. İçəri daxil olanda isə görüblər ki, ev qarət olunub.

Hüquq-mühafizə orqanlarına edilən zəngdən sonra Şəmkir rayon polis şöbəsinin Kür qəsəbəsi üzrə bölməsinin əməkdaşları hadisə yerinə gəliblər. Zəruri istintaq hərəkətləri həyata keçirilsə də bu günədək görülən tədbirlər nəticəsiz qalıb.