İlham Əliyev Zabit Səmədovla görüşdü

Prezidenti İlham Əliyev Azərbaycanın dünya şöhrətli idmançısı, Qroznıda Rusiya Federasiyasının Çeçenistan Respublikasının ilk prezidenti Əhməd Kadırovun xatirəsinə həsr olunmuş peşəkar kikboksinq turnirinin qalibi, "WBC Muaythai” versiyası üzrə dünya çempionu Zabit Səmədovla görüşüb.

Ölkə.Az-ın məlumatına görə, bu barədə idmançı özü sosial şəbəkədə yazıb:

"Nəhayət ki, mən Azərbaycan Respublikasının Prezidenti İlham Əliyevlə görüşmək şərəfinə nail oldum. Mən vətənpərvərəm, xalqıma, Prezidentimə, onun müdrik siyasətinə hörmətlə yanaşıram. Gələcək döyüşlərdə də xalqımın və ölkəmin şərəfini qoruyacağam”.

Xatırladaq ki, 32 yaşlı idmançı növbəti döyüşünü noyabrda keçirəcəyini açıqlayıb.

İntiqam VALEHOĞLU
Ölkə.Az