Daşkənd sakinləri mərhum prezidenti son mənzilə yola salır

Daşkənd sakinləri ölkə prezidentinə ehtiram əlaməti olaraq küçələrə axışıb.

Ölkə.Az UzNews agentliyinə istinadən xəbər verir ki, yerli vaxtla səhər 05:00-da prezident İslam Kərimovun cənazəsini aparan kortej prezident sarayının önündən keçərək "Cənub" hava limanına doğru yola çıxıb.

İslam Kərimov bu gün anadan olduğu Səmərqənd şəhərində iki qardaşı və anasının uyuduğu məzarlıqda dəfn olunacaq.

Ölkə başçısının vəfatı ilə əlaqədar Özbəkistanda 3 günlük matəm elan edilib.

İslam Kərimov 1938-ci ildə anadan olub. O, 27 il Özbəkistana rəhbərlik edib.

İlhamə
Ölkə.Az