İngiltərəli yepiskop: Eynicinslilərin sevgi münasibəti günah deyil

İngiltərənin Linkolnşir qraflığının Qrantem şəhər kilsəsinin yepiskopu Nikolas Çemberlen homoseksual olduğunu və daimi tərəf müqabili ilə yaşadığını etiraf edən ilk yüksək rütbəli din xadimi oldu.

Ölkə.Az "BBC"yə istinadən xəbər verir ki, Nikolas Çemberlen bildirib ki, 2015-ci ildə yepiskop rütbəsi alarkən kilsənin yüksək rütbəli xadimləri onun cinsi azlığın nümayəndəsi olmasından xəbərdar idilər.

Son illər İngiltərə Kilsəsi eynicinsli nikahlara qarşı siyasətini yumşaldıv və "mavi"lərin yepiskop sanı almasına qoyulan qadağanı aradan qaldırıb.

İngiltərədə yepiskoplar evlənə bilməz. Lakin Çemberlen qaydaları pozmadığını düşünür. O qeyd edir ki, evlənməyib, sadəcə sevdiyi insanla xoşbəxtdir.

İngiltərə Kilsəsinin rəhbəri , arxiyepiskop Castin Ulebi Kenterberiyski Çemberleynin cinsi oriyentasiyasından xəbərdar olduğunu və bunda bir problem görmədiyini açıqlayıb.

Bibliyanın birmənalı olaraq homoseksuallığa icazə vermədiyini söyləyən ənənəvi dini cərəyan nümayəndələri ilə eynicinsli nikahlara pis baxmayan liberallar arasındakı mübahisələr İngiltərə kilsəsində 2003-cü ildən davam etsə də, nəticə homoseksuallığı müdafiə edənlərin xeyrinə dəyişməkdədir.

İlhamə
Ölkə.Az