Suriyada seks kölələrin saxlanıldığı həbsxana tapıldı

Azad Suriya Ordusunun (ASO) əsgərləri tərəfindən İŞİD işğalından azad edilmiş Menbic şəhərində seks köləliyinə məcbur edilən qadınların saxlanıldığı həbsxana aşkar edilib.

Ölkə.Az Rusiya KİV-lərinə istinadən xəbər verir ki, əsir alınmış qadınların təcavüz və zorakılığa qaldığı bu həsxanada onların normal yaşaması üçün heç bir şərait yox imiş.

Qadınlar eyni otaqda həm yuyunur, həm tualet ehtiyaclarını ödəyir, həm yeyir, həm də yatırmış.

Əsgərlərin sözlərinə görə, həbsxanada müxtəlif narkotik maddələr, işgəncə alətləri, seksual aktivliyi yüksəldən dərman preparatları tapılıb.

Təəssüf ki onları xilas etmək mümkün olmayıb. İŞİD terrorçuları şəhəri tərk edərkən qadınları da özləri ilə aparıblar.

İlhamə
Ölkə.Az