Prezident İlham Əliyev Salyanda bir sıra açılışlarda iştirak edib
Salyan şəhərinə Şirvan-Muğan magistral su kəmərindən çəkilmiş yeni içməli su xəttinin açılışı olub
Sentyabrın 3-də Salyan şəhərinə Şirvan-Muğan magistral su kəmərindən çəkilmiş yeni içməli su xəttinin açılışı olub.
Azərbaycan Respublikasının Prezidenti İlham Əliyev mərasimdə iştirak edib.
Dövlətimizin başçısı burada rayon ictimaiyyətinin nümayəndələri ilə görüşdü.
Azərbaycan Prezidenti su xəttini işə saldı.
Sonda xatirə şəkli çəkdirildi.
Azərbaycan Respublikasının Prezidenti İlham Əliyev Salyan rayonuna səfəri çərçivəsində sentyabrın 3-də həm də Tarix-Diyarşünaslıq Muzeyinin açılışında iştirak edib.
Dövlətimizin başçısı rəmzi açılışı bildirən lenti kəsdi və muzeydə yaradılmış şəraitlə tanış oldu.
