Türkiyə-Suriya sərhədi İŞİD-dən təmizləndi

Ölkə.Az "Anadolu" agentliyinə istinadən xəbər verir ki, Türkiyə Silahlı Qüvvələri Azad Suriya Ordusu (ASO) ilə birlikdə keçirilən əməliyyatlar nəticəsində sərhədin hər iki tərəfini İŞİD və PYD terrorçularından təmizləməyə nail olublar.

Terrorçular Azez şəhərindən Cerablusa qədər bütün yaşayış məntəqələri üzərində nəzarəti itiriblər.

Agentliyin məlumatına görə, hərbiçilərin keçirdikləri xüsusi əməliyyatlar nəticəsində terrorçular öz mövqelərindən 3-5 kilometr geriyə çəkilməyə məcbur olublar. Terrorçulardan təmizlənmiş zolağın uzunluğu 91 kilometr təşkil edir. Məlumatı Türkiyənin baş naziri Binəli Yıldırım da təsdiq edib.

Sentyabrın 4-də ASO və türk qoşunlarının Suriyada yeni cəbhə açması xəbər verilib. Hərbçilər İŞİD-in nəzarətində olan Əl-Rai şəhəri ətrafındakı bir neçə kəndi azad ediblər.Türk ordusu azad edilən ərazilərə tank və ağır texnika yerləşdirib.

İlhamə
Ölkə.Az