Si Çzinpindən Obamaya böyük hörmətsizlik

Çin Obamanı çox hörmətsiz şəkildə qarşıladı

Ölkə.Az Türkiyə mediasına istinadən xəbər verir ki, G-20 sammitində iştirak etmək üçün Çinə səfər edən Barak Obamanın qarşılanma mərasimi mübahisələrə və müzakirələrə səbəb olub.

"New York Times" qəzeti yazıb ki, Obamanın təyyarəsinə hava limanında eskalator yaxınlaşdırılmayıb.

Buna görə də ABŞ prezidenti təyyarənin arxa qapısından enməyə məcbur olub. ABŞ prezidenti arxa qapıdan Əfqanıstan kimi ölkələrə etdiyi səfərlər zamanı yüksək təhlükəsizlik məqsədi ilə istifadə edir.

Eyni zamanda qaşılanma mərasimi zamanı media nümayəndələrinin prezidentin fotolarını çəkməsinə icazə verilməyib Çin mühafizə xidməti onların qarşısını kobud şəkildə alıb. Ağ Ev əməkdaşlarından biri qarşılanma mərasimində Çin nümayəndələrinə yaxınlaşaraq protokola düzgün əməl edilmədiyini xatırladınca Çin nümayəndəsi "Bura bizim ölkəmizdir" cavabını verib.

Meksikanın Çindəki keçmiş səfiri Jorge Guajardo isə bildirib ki, bu qərəzli şəkildə həyata keçirilib.

"Belə şeylər səhvən olmaz. 6 il Çində işlədim. Çoxlu sayda yüksək səviyyəli qarşılanma mərasimlərində iştirak etdim. Belə mərasimlərə necə hazırlıq görüldüyünü yaxşı bilirəm. Hər bir addım yazılır və dəfələrlə hesablanır. Bu bir xəta deyildi. Obamanı alçaltmaq üçün düşünülən bir hərəkət idi. Bununla Çin Obamaya "bizim üçün önəmli deyilsən" mesajını vermək istəyirdi. Bu yeni Çin siyasətinin bir parçasıdır. Çin milliyyətçiliyinin təşviq etmənin bir yoludur. Bütün çinlilər bu mesajı yaxşı anlayıb",- deyə meksikalı diplomat bildirib.

İlhamə
Ölkə.Az