\"Merkel Ərdoğanın qarşısında diz çökdü\"

Almaniyanın "Neue Osnabrücker Zeitung" qəzeti şok material dərc edib 

"İki gün sonra almaniyalı parlamentarilərin İncirlikdəki hərbi bazanı ziyarət edə biləcəyi barədə xəbər aldıq. İcazənin verilməsi üçün qoyulan şərtlər qan qaraldır. Ərdoğan güc qazanır. Kansler Anqela Merkel Ərdoğanın önündə diz çökdükdən iki gün sonra Ankaradan müsbət cavablar alınmağa başlandı. Alman millət vəkilləri İŞİD-lə mübarizə çərçivəsində beynəlxalq koalisyaya dəstək məqsədi ilə İncirlik bazasında olan əsgərləri ziyarət edə biləcəklər."-deyə qəzet yazıb.

Almaniyanın Silahlı Qüvvələri "parlament ordusu" olduğu üçün deputatlar əsgərlərin hansı şərtlər altında xidmət göstərdiyinə nəzarət etmək məcburiyyətindədirlər. Xəbər verdiyimiz kimi, Almaniya tərəfi İncirlik hərbi bazasını ziyarət edə bilmək üçün parlamentin "erməni soyqırımı" barəsindəki təklifini qəbul etməmək barədə razılığa gəlib.

"Bundan sonra kim bilir nələr olacaq. Türkiyə Avropa Birliyini qaçqın məsələsi ilə şantaj edir. Ərdoğan bu məsələdən ağılla istifadə edir. Avropalı siyasətçilər onun önündə diz çökdükcə o, daha da çox güclənir",- deyə qəzet yazıb.

Almaniya və Türkiyə arasında gərginlik alman parlamentinin 1915-i ildə Osmanlı imperiyasında baş vermiş hadisələri erməni soyqırımı kimi qiymətləndirmək təklifindən sonra pozulmuşdu.

İlhamə
Ölkə.Az