Rusiyada növbəti prezident kim olacaq?
RF prezidentinin fikirinə görə, ondan sonra ölkəyə «gənc, lakin təcrübəli» bir lider rəhbərlik etməlidir.
Ölkə.Az xəbər verir ki, bu gün «G-20» sammitində jurnalistlərin növbəti prezident seçkilərində iştirakına dair suallarını cavablandıran Vladimir Putin bildirib ki, 2018-ci ildə prezidentliyə namizədliyini verib-verməyəcəyi barədə danışmaq hələ çox tezdir. Bununla belə o, ölkəyə gənc lakin təcrübəli bir liderin rəhbərlik etməli olduğunu vurğulayıb.
Bundan əlavə prezident qeyd edib ki, prezident seçkilərindən qabaq Rusiyada parlament seçkiləri gözlənilir:
«Öncə parlament seçkiləri keçirilməlidir, nəticələrə baxmaq lazım gələcək. Mən hələ özümlə bağlı heç bir qərar verməmişəm», - deyə Putin bildirib.
