Rusiya və Türkiyə barışığının gizli memarı - Abbas Abbasov

Azərbaycanın baş nazirinin keçmiş müavini Abbas Abbasovun Rusiya ilə Türkiyə arasında barışmanın gizli səbəbkarlarından biri olduğu üzə çıxıb.

Ölkə.Az Rusiyanın "Sputnik" agentliyinə isinadən xəbər verir ki, "Rossiya-24" telekanalında yayımlanan "Gizli diplomatiya" proqramında çıxış edən türkiyəli iş adamı Cavid Çağlar iki ölkə arasında münasibətlərin normallaşdırılması üçün Abbas Abbasovun Moskvada ona çox kömək etdiyini bildirib.

Rusiya və Türkiyədə böyük nüfuza sahib olan Abbas Abbasov iki ölkə arasında böhranın davam etdiyi 7 ay ərzində onları barışdırmaq üçün vasitəçilik edən ən əgəmiyyətli simalardan biri idi. Xəbərdə Abbas Abbasovun Dağıstan Respublikasının rəhbəri Ramazan Abdulatipovun yaxın dostu olduğu vurğulanıb. Proqramda Çağların Abdulatipov vasitəsi ilə Kremlə məktub çatdırdığı bildirilib.

"Mən Abbasovun vasitəçiliyi ilə Abdulatipovla birlikdə barışığa nail olmaq üçün səy göstərdim. Abbasov mənə çox kömək etdi. O, Azərbaycvanın ümummilli lideri Heydər Əliyevin köhnə silahdaşlarından biridir, 12 il onunla birlikdə işləyib",- deyə Cavid Çağlar bildirib.

Televiziya proqramında Çağların iki ölkə arasında münasibətlərn normallaşmasında əhəmiyyətli səylərinin olduğu diqqətə çatdırılıb.

İlhamə
Ölkə.Az