İtaliyanın baş naziri Merkeli balığın hücumundan qoruyarkən suya düşdü

G-20 sammiti çərçivəsində Çində səfərdə olan Almaniya, Britaniya, İtaliya və Avstraliya liderləri Xançjou gölündə qayıqla gəzərkən gözlənilməz və maraqlı hadisə baş verib.

Ölkə.Az Rusiya KİV-lərinə istinadən xəbər verir ki, liderlər gərgin iş saatlarından sonra göl səfasına çıxıblar. Lakin gözlənilməz hadisə qayıq gəzintisini yarımçıq qoyub.

Liderlərin oturduğu qayığa anidən özünü atan böyük bir balıq Anqela Markeli qorxudub. İtaliyanın baş naziri Matteo Rensi kansleri qorumaq üçün balığı tutmaq və gölə atmaq istəyərkən, qayıq silkələnib, baş nazir özü suya yıxılıb.

İlhamə
Ölkə.Az