Qara bazardakı dollar alış-verişinə
Bu gün səhər bir çox abonentlərin mobil nömrəsinə 9944 nömrəsindən dolların qara bazarda alış və satış qiyməti ilə bağlı mesaj daxil olub.
Mesajda deyilir ki, bazarda dolların alış qiyməti 1,785-1,87 manat arasıdır.
Halbuki, Mərkəzi Bankın rəsmi məzənnəsi 1,6362 manatdır. Məlumdur ki, bankların məzənnəsi rəsmi məzənnədən maksimum 4% fərqlənə bilər, yəni 1,7016 ola bilər.
Sözügedən mesaj sosial şəbəkələr vasitəsi ilə də yayılır və dolların süni qiymət artımına xidmət verir.
Ölkə.Az xəbər verir ki, məsələ ilə bağlı Daxili İşlər Nazirliyinin mətbuat xidmətinin rəis müavini Ehsan Zahidov azvision.az-a açıqlama verib.
O, vətəndaşları belə hallarla qarşılaşdıqda, vətəndaşlıq mövqeyi sərgiləyərək polisə məlumat verməyə çağırıb. Ehsan zahidov polisin belə hallarla mübarizə apardığını vurğulayaraq, nəticələr barədə ictimaiyyətə məlumat veriləcəyini söyləyib.
