4 təşkilat referendumda “exit-poll” keçirmək istəyir
Mərkəzi Seçki Komissiyasına sentyabrın 26-da keçiriləcək ümumxalq səsverməsində (referendum) “exit-poll” keçirmək məqsədilə 4 təşkilat müraciət edib.
Bu barədə Ölkə.Az-a MSK-nın Media və ictimaiyyətlə əlaqələr şöbəsindən bildiriblər.
Müraciət edən təşkilatlar Vətəndaşların Əmək Hüquqlarını Müdafiə Liqası, Vətəndaş Cəmiyyəti uğrunda Müstəqil Məsləhət və Yardım Mərkəzi, “ELS” Müstəqil Araşdırmalar Mərkəzi və “Rəy” Monitorinq Mərkəzidir.
Qeyd edək ki, MSK “exit-poll” keçirəcək təşkilatlarla bağlı yekun qərarını sentyabrın 16-dək verəcək.
