\"Rədd ol get Türkiyəyə!\"

Hollandiyanın baş naziri Mark Rutte türklərin çevriliş cəhdi əleyhinə Amsterdamda keçirdikləri mitinq zamanı müxbirlərə "rədd olun" deyə bağırmalarına cavab olaraq ağlından " türklər, siz özününz Türkiyəyə rədd olun!" ifadəsini keçirdiyini etiraf edib.

Ölkə.Az Türkiytə mediasına istinadən xəbər verir ki, Hollandiyanın baş naziri yerli kanallardan birində çıxışı zamanı bu fikri səsləndirib.

O, deyib ki, Hollandiyada türklərin sayı olduqca çoxdur. Onların əksəriyyəti yerli insanlara uyğunlaşıb, qaynayıb- qarışıb. Lakin hələ də özünü necə aparmağı bilməyən, təxribatlar törətməyə çalışan qruplar da mövcuddur.

"Türklər bizim ölkəmizdə ölkələrindəki dövlət çevrilişi cəhdinə etiraz əlaməti olaraq mitinq keçirdilər. Bu zaman onlara yaxınlaşan hollandiyalı müxbirlərə bağırdılar və "rədd olun" dedilər. Ağlıma ilk gələn şey, türklər, siz öz ölkənizə rədd olun" demək oldu.

Qeyd edək ki, 2017-ci ilin mart ayında keçiriləcək seçkilər zamanı ölkədə hakimiyyətə gəlmək istəyən sağçı Azadlıq Partiyası (PVV) seçkiləri qazanacağı təqdirdə Hollandiyadakı bütün islami məktəbləri, məscidləri bağlayacağını, islamlaşmanın qarşısını alacağını bildirib. Partiya "Hollandiya bizimdir, bizim olacaq" devizi ilə hərəkət. edir. Baş nazir PVV-nin siyasi xəttinin xətalı olduğunu bildirərək bunun qanunun aliliyi və insan haqları prinsipinə zidd olduğunu vurğlayıb.

İlhamə
Ölkə.Az