\"Obama mənə bildirdi ki...\"

"Ankara Rakkanın İŞİD işğalından azad edilməsinə dair Vaşinqtonun irəli sürdüyü birgə hərəkət planını qəbul etməyə hazırdır".

Bu bəyanatı Türkiyə prezidenti Rəcəb Tayyib Ərdoğan səsləndirib.

Ölkə.Az "Hürriyet"qəzetinə istinadən xəbər verir ki, Türkiyə prezidenti Çindən, "böyük iyirmiliyin" sammitindən qayıdarkən təyyarədə jurnalistlərin suallarını cavablandırıb.

"İŞİD-in ən əsas mərkəzi Rakkadır. Barak Obama mənə bildirdi ki, Rakkanın azad edilməsində bizimlə birgə hərəkət etmək istəyir. Bizim tərəfimizdən heç bir problem yoxdur. Təklif etdik ki, hərbçilərimiz toplaşıb plan hazırlasınlar. Türkiyə regionda mövcudluğunu nümayiş etdirməlidir, geri addım atmağa haqqımız yoxdur",- deyə Ərdoğan bildirib.

Rakka 2013-cü ildən terrorçuların nəzarəti altındadır. İŞİD Rakkanı xilafətin paytaxtı elan edib.

İlhamə
Ölkə.Az