Türkmənistanda nəqliyyat məsələləri müzakirə olundu
Avqustun 31-dən sentyabrın 2-dək Türkmənistanın paytaxtı Aşqabad şəhərində Azərbaycan, Türkiyə və Türkmənistan respublikalarının nəqliyyat nazirlərinin üçtərəfli görüşü keçirilib.
Bu barədə Ölkə.Az Nəqliyyat Nazirliyinə istinadən xəbər verir.
Görüş zamanı hər 3 ölkə arasında nəqliyyat sahəsində əməkdaşlığın genişləndirilməsi, Xəzər dənizi vasitəsilə tranzitin asanlaşdırılması və onun rəqabət qabiliyyətinin daha da artırılması, tranzit keçidlərində müntəzəm səfərlər zamanı səmərəli tarif mexanizminin yaradılması məsələləri müzakirə edilib. Sonda Nazirlər Bəyannaməsi qəbul edilib.
Qeyd edək ki, müzakirələrdə nəqliyyat nazirinin müavini Arif Əsgərovun başçılıq etdiyi nümayəndə heyəti də iştirak edib.
