Ukraynadan Rusiyaya yeni qadağa

Ukrayna Rusiyaya "An" təyyarələri ilə xaricə uçmağı qadağan etdi

Ukraynanın "Antonov" dövlət şirkətinin prezidenti Aleksandr Katsyuba Rusiyada istismar olunan bütün "An" markalı təyyarələrin Ukraynada servis xidmətindən keçməsini tələb edib. Əks halda Kiyev Rusiyaya məxsus "An" təyyarələrinin beynəlxalq uçuşlarına qadağa qoyacaq.

Ölkə.Az bu barədə "Zvezda" telekanalına istinadən xəbər verir.

"Rusiyanın istismar etdiyi "An" təyyarələrnəi bir qayda olaraq başqa şirkətlər, xüsusən "İlyuşin" şirkəti tərəfindən servis xidməti göstərilir. Biz Antoov təyyarələrinin istehsalçısı kimi onlra özümüzün xidmət göstərməyimizi istəyirik, əks halda istehalçı hüququmuzdan istifadə edərək bu təyyarələrin beynəlxalq uçuşlarına qadağa qoyacağıq".

Rusiyanın müxtəlif aviaşirkətlərində çoxlu sayda An-2, vAn-24 və AN-124 təyyarələrindən istifadə olunur.

Ötən həftə Ukrayna dünyada ən iri təyyarə olacaq "An-225" tipli hava gəmilərini birgə hazırlamaq üşün Çinin "Aerospace Industry Corporation of China" şirkəti ilə müqavilə bağlayıb. Çin tərəfi müqavilə əsasında AN-225 təyyarələrinin çertyoj və bir sıra xüsusiyyətlərindən istifadə hüququ əldə edəcək.

İlhamə
Ölkə.Az