Krım tatarları Məclisinin sədr müavini psixatriya xəstəxanasından buraxıldı

Krım tatarları Məclisinin sədr müavini İlmi Umerov Simferopolda müalicə aldığı Psixatriya xəstəxanasından buraxılıb.

Bu barədə onun vəkili Mark Feyqin "Twitter"də məlumat verib.

"Mən Krıma gəldim. Umerovu elə indicə Simferopol Psixatriya Xəstəxanasınan buraxdılar"- deyə o, yazıb. Vəkil müvəkkilinin səhhəti barədə başqa məlumat verməyib.

Bu ilin may ayında Umerov Federal Təhlükəzlik Xidmətinin əməkdaşları tərəfindən saxlanılıb. O, sepratçılıqda ittiham olunub. Buna səbəb Umerovun verdiyi müsahibədə ilhaq edilmiş Krımın Ukraynaya qaytarılmasını tələb etməsi olub. Elə həmin ay Krımda fəaliyyət göstərən Rusiya məhkəməsi Krım tatarlarının Məclisini ekstremist təşkilat elan edərək Rusiya ərazisində onun fəaliyyətinə qadağa qoyub.

Avqust ayının 11-də Umerovun cinayət işi ilə bağlı məhkəmə iclasında müttəhimin halı pisləşib və o yerli xəstəxananın Kardiologiya şöbəsinə, avqustun 18-də isə Psixatriya Xəstəxanasına yerləşdirilib.

Bu beynlxalq təşkilatların narazılığına səbəb olub.Onlar krım tatarlarının təqibinə son qoyulmasını tələb edirlər. ABŞ Dövlət Departamenti də Umerovun azad edilməsini tələb edib.

İlhamə
Ölkə.Az