Oğlunun toyuna hazırlaşırdı, qəzada öldü
Gəncə şəhərində təşkil olunan toy mərasimindən qayıdan ailə Bakı-Şamaxı-Yevlax yolunun 188-ci kilometrliyində qəzaya düşüb.
Ölkə.Az EL TV (Region TV) xəbər verir ki, Bakı şəhər sakini Məmməd Məmmədovun idarə etdiyi “NİSSAN” markalı minik maşını hərəkətdə olarkən idarəetmədən çıxıb.
Nəticədə avtomaşın aşıb. Qəza zamanı avtomobildə olan sürücünün həyat yoldaşı Elmira Məmmədova və sürücünün bacısı yerindəcə dünyalarını dəyişiblər. Minik maşınında olan digər iki nəfər isə bədən xəsarətləri ilə İsmayıllı rayon Mərkəzi Xəstəxanasına yerləşdirilib.
Faktla bağlı araşdırma aparılır. Bildirək ki, sentyabrın 20-də Bakı şəhərində sürücü Məmməd Məmmədovun oğlunun toy mərasimi olacaqdı.
