Bakıda marketdə qadın müştəri satıcını belə aldatdı

Bakıdakı mağazalardan birində müştərinin fırıldağı təhlükəsizlik kamerasına düşüb.

Müştəri iri nominallı pulu göstərib satıcını aldadır, sonra həmin məbləği çantasına qoyub xırda pulları çıxararaq fikir yayındırır.

Bakıda qadın müştərinin fırıldağı mağazanın təhlükəsizlik kamerasına düşüb.

6 manat 20 qəpiklik mal alan qadın kassanın önündə çantasından 50 manat çıxarır. Həmin pulu satıcıya göstərərək bildirir ki, 1 manat 20 qəpik də verəcək ki, yuvarlaq məbləğ alsın. Satıcı da 45 manat hazırlayır. Bu vaxt qadın 50 manatı çantasına qoyur, 1 manat 20 qəpiyi  satıcıya verir.

Qadın gözbağlayıcı kimi fikri yayındırır, 50 manat satıcının yadına düşməsin deyə dərhal başqa bir məhsul haqqında söz soruşur.

Beləcə, 6 manat 20 qəpiklik bazarlıq qadına 1 manat 20 qəpiyə başa gəlir. Əvəzində o, 45 manat qazanır.

Ölkə.Az "Xəzər Xəbər"ə istinadən mövzu ilə bağlı daha ətraflı videomaterialı təqdim edir.