Türkiyənin yeni səfiri Bakıya nə vaxt gələcək?

Türkiyənin Azərbaycana yeni təyin olunmuş səfiri Erkan Özoral Bakıya oktyabrın əvvəlində gələcək.

Ölkə.Az-ın məlumatına görə, bunu jurnalistlərə açıqlamasında Türkiyənin Azərbaycandakı səfiri İsmayıl Alper Coşqun deyib.

Səfirin sözlərinə görə, Azərbaycan-Türkiyə əlaqələri həmişə olduğu kimi bundan sonra da bütün istiqamətlərdə inkişaf edəcək.

Diplomat vurğulayıb ki, Azərbaycana qarşı yönəlmiş istənilən təhlükə eyni zamanda Türkiyəyə yönəlib.

Qeyd edək ki, Türkiyə bir sıra ölkələrdəki səfirlərini dəyişdirib. Yeni böyükelçilər qərarnaməsinə əsasən dəyişiklik baş verən səfirliklər arasında Türkiyənin Azərbaycandakı səfirliyi də var. Hazırkı səfir İsmayıl Alper Coşkunun yerinə bu vəzifəyə Erkan Özoral təyin olunub. E.Özoral bundan əvvəl Türkiyə XİN-in baş direktor müavini vəzifəsində çalışıb.