Türkiyə pilot çatışmazlığını belə həll etdi
Türkiyədə 15 iyul tarixindı baş vermiş dövlət çevrilişinə cəhddən sonra açılan cinayət işi çərçivəsində on minlərlə insan həbs edildi.
Ölkə.Az xəbər verir ki, çevrilişin arxasında durduğu bildirilən Fəthullah Gülən təriqətinin üzvü olunduğu iddia edilən minlərlə şəxsin həbs edilərək ordudan xaric edilməsi Türkiyə hərbi hava qüvvələrində ciddi şəkildə pilot qıtlığı yaratmışdı.
Peşəkər pilotlarının yarıdan çoxunun Gülən təriqətinin üzvü çıxması dünyanın ən güclü hava qüvvələrindən olan Türkiyə hərbi hava qüvvələrini çətin vəziyyətə salmışdı.
Pilot çatışmazlığını aradan qaldırmaq üçün Türkiyə komandanlığı keçmiş hərbi pilotları geri işə dəvət edib. Əvvəllər peşəkər hərbi pilot olmuş hazırda mülki aviasiyada sərnişin və nəqliyyat təyyarələri idarə edən pilotlar yüksək maaşlarından imtina edərək yenidən orduya qayıtmağa başlayıblar.
