Azərbaycanda iki rayonun təhsil şöbəsində kadr dəyişikliyi olub
Agcabədi və Laçın rayonlarının təhsil şöbələrində kadr dəyişiklikləri olub.
Ölkə.Az Report-a istinadən xəbər verir ki, Laçın Rayon Təhsil Şöbəsinin müdiri vəzifəsinə yeni rəhbər təyin edilib.
Belə ki, Laçın Rayon İcra Hakimiyyətinin başçısı Aqil Nəzərlinin Təhsil Nazirliyi ilə razılaşdırılmış əmrinə əsasən, Nicat Həsənov rayon təhsil şöbəsinin müdiri vəzifəsinə təyin edilib.
Agcabədi Rayon Təhsil Şöbəsinin müdiri Mehdi Əhmədov isə tutdugu vəzifədən azad edilib. Təhsil şöbəsinə rəhbərlik müvəqqəti olaraq Əvrasiyab Məmmədova tapşırılıb.
