Azərbaycanlı aktyoru həbs etmək istəyirlər?

"Bu günlərdə bir dostum mənə bildirdi ki, səni həbs edəcəklər. Doğrusu, əvvəlcə elə bildim zarafat edir. Amma sonra dedi ki, adım polisin "qara siyahı"sına salınıb". 

Bu fikirləri Ölkə.Az-a açıqlamasında aktyor İbrahim Salamov səsləndirib. Salamov bildirib ki, hər zaman dövləti və dövlətçiliyi dəstəkləyib, dövlətçilik əleyhinə çıxışları olmayıb:

"Ona görə də həbs olunacağım halda, bu, sifarişli qərar olacaq. Çox güman ki, bu, məni istəməyən şəxslərlə bağlıdır. Hər halda başqa şey ağlıma gəlmir. Hər kəs bilir ki, böyük imkanlarım yoxdur, cüzi gəlirimlə ailəmə baxıram".

Xatırladaq ki, İbrahim Salamov aktyorluqla yanaşı, həm də el şənliklərinin təşkilatçısı kimi tanınır.

İntiqam VALEHOĞLU
Ölkə.Az