Coşqun Rəhimov əməliyyatdan sonra

"Bu şəhərdə"nin sevilən siması, əməkdar artist Coşqun Rəhimov keçirdiyi ağır əməliyyatdan sonra özünü yaxşı hiss edir və tezliklə tamaşaçıları öz çıxışları ilə sevindirəcək.

Ölkə.Az xəbər verir ki, bu barədə aktyorun dostu, "Bu şəhərdə" komandasının ssenaristi və prodüsseri Müşfiq Abbasov sosial şəbəkədə məlumat verib. O aktyorun xəstəxanadan fotoşəklini paylaşıb.

Xatırladaq ki, Coşqun Rəhimov sentyabrın 6-da Mərkəzi Neftçilər Xəstəxanasında növbəti dəfə əməliyyat olunmuşdu. Sevilən aktyor qalxanabənzər vəzidə yaranmış xərçəng xəstəliyi ilə mübarizə aparır.

İlhamə
Ölkə.Az