"Galaxy Note 7" smartfonlarının yeni təhlükəsi üzə çıxdı

ABŞ "Galaxy Note 7" smartfonlarından təyyarələrin göyərtəsində istifadə etməməyə çağırır

ABŞ Federal Aviasiya İdarəsi (FAİ) akkumlyatorlarındakı texniki nasazlıq səbəbi ilə "Galaxy Note 7" smartfonlarından təyyarələrinin göyərtəsində istifadənin təhlükəli olması barədə xəbərdarlıq edib.

Ölkə.Az BBC-yə istinadən xəbər verir ki, FAİ sərnişinlərə uçuş zamanı telefonları açmamağı və elektrik şəbəkəsinə qoşmamağı tövsiyə edib.

Qeyd edək ki, sentyabrın 2-də "Samsung" şirkəti "Galaxy Note 7" smartfonlarının elektrik şəbəkəsinə qoşulduğu zaman alışması və partlaması barədə xəbərlərdən sonra, avqust ayında buraxılmış bütün cihazları geri çağırmışdı.

İlhamə
Ölkə.Az