İspaniyada sərnişin qatarı qəzaya uğradı: ölən və yaralananlar var

İspaniyanın Qalisiya vilayətində sərnişin qatarı qəzaya uğrayıb.

Dörd nəfərin öldüyü bildirilir. Ölənlərdən biri portuqaliyalı maşinistdir. Yaralıların dəqiq sayı bilinmir.

Ölkə.Az "Ria Novosti" agentliyinə istnadən xəbər verir ki, ən son 47 nəfərin xəsarət alması barədə məlumat daxil olub.

Qəza Portuqaliya sərhədi yaxınlığında, Qalisiyada Porrino bələdiyyəsi ərazisində baş verib. 3 vaqon relslərdən çıxıb, bir vaqon aşıb. Sərnişinlər qəzalı vaqonlardan özləri çıxa biliblər.

İspaniyanın Viqo şəhərindən Portuqaliyanın Portu şəhərinə doğru hərəkət edən qatarda 65 nəfər, o cümlədən 63 sərnişin, maşinist və onun köməkçisi olub.

Qəzanın səbəbləri barədə məlumat verilmir.

İlhamə
Ölkə.Az