Bu gün 1,5 milyona yaxın müsəlman Həcc ziyarətinə başlayır

Səudiyyə Ərəbistanında 1,5 milyon müsəlman həcc mərasiminə hazırlaşır.

Ölkə.Az "BBC"yə istindən xəbər verir ki, ötən il Məkkə yaxınlığında yaranmış izdiham 2 mindən artıq zəvvarın ölümü ilə nəticələnmişdi. Ölənlərin çoxu İran vətəndaşları olub.

Hadisə ardınca Həccin təşkilinə görə Səudiyyə Ərəbistanını tənqid edən İran bu il vətəndaşlarının Məkkəyə getməyəcəyini bildirib.

Səudiyyə Ərəbistanı hakimiyyəti təhlükəsizlik tədbirlərini sərtləşdirməkdədir.

Məkkədəki əl-Həram, yəni Böyük Məscidin ətrafında avtomobil hərəkatı yasaqlanıb. Müxtəlif yerlərdə buraxılış məntəqələri yaradılıb, zəvvarlara şəxsi məlumatın əks olunduğu qolbağılar paylanılıb.

Şənbə günü zəvvarlar əl-Həram məscidində ibadətdən sonra Məkkədən 5 kilometr şərqə doğru yerləşən Minaya yollanacaqlar.

İlhamə
Ölkə.Az