Qadın transgender ilana çevrildi

Özünü əjdaha qadın adlandıran Tiamat Bafonet Meduza qulaqlarını və burnunu kəsdirib, maksimal dərəcədə ilana bənzəmək üçün bütünü bədənini döymələrlə bəzəyib.

Ölkə.Az Rusiya KİV-lərinə istinadən xəbər verir ki, Texasda yaşayan Eva son 20 ildə ilan obrazına çevrilmək üçün dəfələrlə əməliyyat masasına yatıb. Maraqlısı budur ki, o plastik cərrahların deyil, rəssamların xidmətindən istifadə edir.

Bu illər içərisində Eva burnunu və qulaqlarını kədirib, alnına implant buynuzlar qoydurub, gözlərinin ağını və qarasını belə tatuaj etdirməkdən çəkinməyərək, süni şəkildə rənglərini dəyişdirib, dilini kəsdirərək ilan dili kimi haça etdirib.

Evanın bu hərəkətinə səbəb onu ilanların böyütməsinə əmin olmasıdır.

Eva inanır ki, balaca vaxtı valideynləri onu atıb getdikdən sonra onu Texasdakı zınqırovlu ilanlar böyüdüb. O zamanlar Eva Riçard adlı oğlan idi. İllər onu qadına və ilana çevirib.

Bu qədər qorxunc görkəminə baxmayaraq Eva pambıq şəkəri hazırlayaraq uşaqlara paylayır ki, ondan qorxmasınlar. O həmçinin SPİD xəstəliyinə yoluxmuş insanlara qarşı dözümlü münasibət nümayiş etdirməyə çağırışlar edir.

"Mən sadəcə hesab edirəm ki, insanlar bir-birlərini necə varsa, elə də qəbul etməyi öyrənməlidirlər",- deyə ilan qadın bildirir.

Qeyd edək ki, bir müddət öncə yaponiyalı pornoaktrisa da qulaqlarını böyütdürərərk elf olduğunu söyləmişdi.

İlhamə
Ölkə.Az