Tramp Obamanı Putinlə müqayisə etməklə onu təhqir edib

Donald Tramp Barak Obamanı Rusiya lideri ilə müqayisə etməklə onu təhqir etmiş oldu.

Ölkə.Az Rusiya KİV-lərinə istinadən xəbər verir ki, bu bəyanatı ABŞ-ın Moskvadakı keçmiş səfiri Maykl Makfol səsləndirib.

O, həmçinin bildirib ki, Trampın ABŞ-ın xarici siyasəti barədə baxışları dəhşətlidir.

Diplomat xüsusən Trampın Rusiyaya qarşı tutduğu siyasi mövqedən narahat olduğunu ifadə edib:

"Məsələn, Tramp Krımın hansı ölkəyə mənsub olması məsələsinə yenidən baxmaq istəyir, o, Rusiyaya qoyulan sanksiyaları ləğv etmək, ABŞ-ın Rusiya sərhədində yerləşən müttəfiqlərinə qarşı öhdəliklərinə yenidən baxmaq niyyətindədir".

Makfol həmçinin rusiyalı hakerlərin məhz Kremlin tələbi ilə Klintonun qərargahındakı kompüter sistemlərini dağıtdığına əmin olduğunu söyləyib. Onun fikrinə görə, bu hücumlarda məqsəd ABŞ-ın siyasətinə təsir göstərməkdir.

İlhamə
Ölkə.Az