Suriyada atəşkəs elan edildi

ABŞ və Rusiya sentyabrın 12-dən, yəni müsəlmanlar üçün müqəddəs olan Qurban bayramından etibarən Suriyada atəşkəs elan etmək barədə razılığa gəliblər.

Ölkə.Az Türkiyə mediasına istinadən xəbər verir ki, bu barədə Amerika və Rusiya nümayəndə heyətlərinin 12 saat davam edən görüşünün ardından mətbuata açıqlama verilib.

Con Kerri və Sergey Lavrovun İsveçrənin Cenevrə şəhərində dünən keçirilən görüşündə belə bir qərar alınıb.

Atəşkəs 7 gün fasiləsiz davam edəcək. Con Kerri bildirib ki, anlaşmaya əməl edilərsə, bu Suriya böhranında dönüş nöqtəsi ola bilər.

Suriya ordusunun müxalifətin olduğu bölgədə hava əməliyyatları keçirməyəcəyini söyləyən Kerri, müxalifətçi qrupların da özlərini Əl-Nusra və İŞİD kimi terror təşkilatlarından təcrid etməli olduqlarını vurğulayıb.

İlhamə
Ölkə.Az