Heydər Əliyev Fondu tanınmış rejissora yardım göstərəcək
Heydər Əliyev Fondu xərçəng xəstəliyindən əziyyət çəkən tanınmış rejissor Şahin Zəkizadənin ilkin müalicəsinə yardım göstərəcək.
Ölkə.Az xəbər verir ki, bu barədə Trend-ə Tibb Universitetinin Tədris Terapevtik Klinikasından bildiriblər.
Klinikadan bildirilib ki, leykozun kəskin forması diaqnozu qoyulan Ş.Zəkizadəyə sentyabrın 10-dan ilkin müalicə kursu təyin olunub. Bu müalicə kursundan sonra təkrar müayinələr aparılacaq. İlkin müalicə mərhələsinə Heydər Əliyev Fondu dəstək göstərəcək.
Məlumatı Heydər Əliyev Fondu təsdiq edib.
