"Allaha şükür ki, Mourinyo tez getdi"
"Real"ın futbolçusu Pepe Joze Mourinyo ilə çalışdığı dönəm barədə danışıb.
Qol.az-ın İspaniya mətbuatına istinadən yaydığı xəbərə görə, o, portuqaliyalı mütəxəssisin Madrid klubunda baş məşqçi olduğu vaxt bir çox insanın onlardan nifrət etdiyini deyib:
"Joze bizimlə birlikdə ikən insanlar bizə nifrət edirdilər. Allaha şükür ki, o, tez getdi. Ançelottinin komandaya gəlişindən sonra bu münasibət sürətlə dəyişdi".
Pepe Mourinyo ilə hazırkı baş məşqçiləri Zinəddin Zidanı müqayisə edib:
"Mourinyo və Zidan fərqli insanlardır. Hansının yaxşı, hansının pis olduğunu demək olmaz".
Qeyd edək ki, Mourinyo 2010-2013-cü illərdə "Real"ı çalışdırıb.
