Şimon Peres iflic oldu
İsrailin keçmiş prezidenti Şimon Peresin səhhəti pisləşib.
Ölkə.Az xəbər verir ki, 93 yaşlı Peresin iflic keçirməsi ilə bağlı məlumatı İsrail mətbuatı yayıb. Məlumata görə səhhəti kəskin pisləşdikdən sonra təcili olaraq Təl-Əvivdəki "Sim Hoshemer" xəstəxanasına çatdırılan Peresin vəziyyətinin ciddi olduğu qeyd edilir.
Peres 70 illik siyasi karyerasına 2014-cü ildə 7 illik prezidentlik müddətini başa vurduqdan sonra son vermişdi.
DAVOS BÖHRANI
2009-ci ildə İsveçrənin Davos qəsəbəsində keçirilən Dünya İqtisadi Forumu çərçivəsində "Qəzza - Yaxın Şərqdə Sülh" mövzusunda baş tutan sessiyada iştirak edən və həmin dövr Türkiyənin baş naziri olan Rəcəb Tayyib Ərdoğan və İsrail Prezidenti Şimon Peres arasında çıxan gərginlikdən sonra Azərbaycan ictimaiyyəti də Peresi çox yaxından izləmişdi. Xatırladaq ki, Ərdoğan Peresin çıxışının ardından çıxış müddətlərini adil tənzimləmədiyi üçün panelin moderatoru Deyvid İxnatyusa (David Ignatius) sərt reaksiya verərək zalı tərk etmişdi.
