“Instagram”da 3 möhtəşəm yenilik
Bir milyarddan çox istifadəçisi olan populyar foto paylaşım platforması “Instagram”da 3 yeni funksiya istifadəçilərin ixtiyarına verilib.
Ölkə.Az xəbər verir ki, platformanın istifadəçiləri bundan sonra fotoları yaxınlaşdıra (zoom) biləcəklər.
Digər istifadəyə verilmiş yenilik isə xoşagəlməz (söyüş) şərhlərin əngəllənməsi ilə bağlıdır. İstifadəçilər filtrasiya imkanı əldə ediblər və bundan sonra öz paylaşımlarının altında görmək istəmədiklərin sözləri avtomatik olaraq əngəlləyə biləcəklər. Bu funksiya xüsusən şərhləri oxumağa vaxtı olmayan istifadəçilərin işini yüngülləşdirəcək. Bunun üçün şərhlər bölümündə “Lazımsız şərhləri gizlə” düyməsini “klikləmək” və görmək istəmədiyiniz sözləri ora yazmaq lazımdır.
“Instagram”ın bəhs etmədiyi, lakin istifadəyə verilmiş üçüncü özəllik isə səhifənizi izləyən şəxslərin kim olduğunun bilinməsidir. İstifadəçi hər hansı başqa bir səhifəyə baxarkən həmin profilin onu izləyib-izləmədiyini də öyrənmiş olacaq. Lakin bu funksiya hələlik bütün hesablar üçün aktiv deyil.
